Internashonal
NASA a konfirmá ku Rusia ta kimando gas ku nan no kier a manda pa paisnan den Europa
CAPE CANAVERAL – Joe Smith direktor general di NASA a konfirmá ayera ku for di nan satélitenan den órbita a kapta imágennan di vlam di kandela grandi ta bai haltu for di tuberianan di e empresa Gazprom ku ta keda na e munisipio di Virolakhti.
Aparentemente for di dia 17 di yüni di e aña aki Gazprom a stòp di suministrá vários pais den Union Europeo gas.
E motibu dikon Gazprom a realisá e maniobra aki ta pa promé trese skarsedat di gas i siguiente ta pone ku preis
di e produkto aki subi drástikamente.
No por komprondé dikon Gazprom a tuma e desishon aki di kima gas na gran eskala siendo ku nan por a sigi gana míles di miónes Euro pa dia bendiendo esaki ku su klientenan den Union Europeo.
E problema ku Rusia tin ta ku no tin luga pa warda e gas aki i ku pronto nan lo tin ku regalá esaki tòg na e mesun paisnan ku nan no tabata kier a suministrá e produkto aki.