Narkotrafikante “Julito Kilo” di Repúblika Dominikana a keda ekstraditá pa Merka

SANTO DOMINGO – Outoridatnan na Repúblika Dominikana a ekstraditá e siudadano Dominikano akusá di narkotráfiko.
Di akuerdo ku un komunikado di prensa e trafikante di droga ku a keda ekstraditá pa Merka a keda identifiká komo Julio de los Santos Bautista, alias “Julito Kilo”.
Ayera un avion di DEA a yega Aeropuerto Las America ku 8 agente federal pa bin buska Julio de los Santos Bautista, alias “Julito Kilo”.
Komo ku Julio de los Santos Bautista, alias “Julito Kilo” tabata manda droga via Puerto Rico elo bai keda husga na New York kaminda e droga su destinashon final a yega.
Na e residensia di Julio de los Santos Bautista, alias “Julito Kilo” outoridatnan a bin konfiská bastante plaka, droga, armamentu i munishon.