Nan ta train i hunga na Repúblika Dominikana: Indians/ENNIA/ARCAS/JEEP 1 siman huntu…

Sta. Rosa Indians/Ennia/Arcas/Jeep djadumingu pasá enkabesá pa Sr. “Shonma” Bonifacio i Sr. Farley Girigorie a bula pa Repúblika Dominikana kaminda nan lo ta 1 siman huntu preparando i trahando riba espíritu di e ekipo pa komienso di temporada.
E organisashon ku eksepshon di algun aña debí na Covid no a bai Santo Domingo, pero e aña aki nan ta bek na e Isla ruman pa asina start kampeonato bon prepará i uni. 5 Star a kombersá ku Sr. “Lipo” Elhage ku a bisa nos ku nan lo hunga dos o tres wega, i lo train tur dia na instalashon di Giants i di un organisashon Hapones.
Elhage ku ta e Indjan Mayor a deklará ku kosnan a bira karu, i ku e peloteronan tambe ta koperá den e trep aki. Sta. Rosa Indians ta start temporada dia 5 di juni vs Sta. Maria Pirates den stadion Johnny Vrutaal.