Nan no ke duna e rapòrt pero….. Ulanda a aproba ne forma ku a distribui fondonan di Sosten/NOW

WILLEMSTAD. Maneho di gobiernu durante e periodo difisil ku ekonomia a yega praktikamente suela den nos pais, mester a pone plaka disponibel pa tur servisio fiskal hiba un maneho di kobransa efektivo i balansá.
Pa tal fin, personal a traha den fin di siman i gobiernu a kontratá personal part-time pa rekuperá e atraso ku a surgi komo resultado di primeramente e kimamentu di Ontvanger, durante e Pandemia i finalmente e mudansa tambe ku a krea traba pero ku a keda resolvé satisfaktoriamente.
Mirando atras minister di Finansa por a raportá na parlamento ku entrada a subi ku 4 mion florin pa luna durante e periodo di krisis tras di lomba pero no ku pais a sali for di krisis ainda.
Trabanan pa hasi kobransa efektivo ta kambio den Omzetbelasting mientras ku tin gran kantidat di opheshon (bezwaar) kontra Aanslag ku a sali riba kual ainda mester tuma desishon.
Enbista di esaki a disidi di adaptá e tarifanan pasobra si e tarifa di belasting ta demasiado haltu esaki ta stimulá hende pa eskivá pago di belasting.
Un kos importante ku a konstata, ta e hecho ku a laga kontador kontrolá fondonan di NOW i a konstatá ku no tabatin derecho di plaka di NOW.
CFT a informa minister di Finansa ku e maneho ku gobiernu a hiba a haña Buena Pro di Ulanda pero riba petishon di gobiernu lokal pa haña e rapòrt kaminda ta bisa esaki, CFT a bisa ku ta ministerio di Relashon den Reino a duna òrdu pa traha e rapòrt i nan no tin libertat pa duna nos gobiernu e rapòrt.
Gradus a pone esaki pretu riba blanku den karta na konseho di minister di Reino ku e rapòrt no ta publiko.