Nan ke baha nan “pay-roll” formalmente: Oakland ku “Baratillo”… Yankees tin Interes den Matt Olson….

· E ekipo di Oakland lo ke baha nan pay-roll konsiderablemente loke a pone ku nan a pone vários di nan pelotero riba “trading-block” pa bai den kambio.
E tim lo ke baha nan “pay-roll” drástikamente hasiele un di esnan mas abou di Grandes Ligas.
Entre e peloteronan ku por bai tin: Matt Olson, primera base ku a bati 39 homerun i empuhá 111 kare4da den 156 wega temporada ku ta tras di lomba.
Yankees tin interes den e pelotero di 27 aña di edat. Olson su salario pa 2022 ta di $ 12.000.000 proyektá, i no por bira agente liber promé ku 2024.
Nan tin tambe na baratillo: Chris Bassitt, Frenkie Montas i Sean Manaea, tur pitcher.
Oakland ke baha nan pay-roll te ku 50.000.000 dòler, un di esnan di mas abou den Grandes, esei mes ta e motibu ku Bob Melvin a move pa San Diego Padres.