Nan bai parlamento kaminda tin hende ku por yuda nan…… Fundashon Marilyn Alcalá- Wallé no ta reanudá servisio

Willemstad- Ultimamente tin diferente persona i famia ta aserká sra. Marilyn Alcalá-Wallé ku e petishon pa sostené nan i fungi komo intermediario pa retonan ku nan ta konfrontando den nan trayekto di bida buskando solushon.
Sra. Alcalá-Wallé ta apresiá ku diferente siudadano ta keda depositá nan konfiansa den su persona pa haña solushon.
Den pasado e fundashon tabata brinda e servisio menshoná pero a anulá esei.
Manera ta konosi, a lanta e fundashon na 2012 sin fin di lukro, ku e meta pa sirbi komo intermediario i portabos pa esnan den nesesidat.
E asento tabata dirigí riba intermediá pa hobennan i famianan ku mas tabatin mester di e sosten menshoná.
Pa tur esnan ku ta sinti e nesesidat di apoyo o sosten, por akudí na Parlamento di Kòrsou kaminda nos sistema konstitushonal konosé 21 miembro ku ta representá pueblo di Kòrsou, e ministerionan i e ministernan den funshon.