Nan a yega ayera tardi: “Great” Resepshon pa Selekshon Softball Fastpitch (F)…

· Ayera tardi nos selekshon di softball femenino fastpitch ku a gana medaya di bròns den e kampeonato di sòftbòl Sur Amerikano a regresá Kòrsou. Nos muchanan mester a keda un dia Colombia debí ku nos no por a alkansá e konekshon for di Buenos Aires.
Sin duda tremendo ambiente ayera na Airport pa risibí nos sòftbolistanan. Nos minister Sr. Heydoorn tabata presente, Sr. Rignaal Francisca den representashon di FDOK i naturalmente presidente di CSB ku ta Sr. “Chu” Martis. Hopi alegria ayera na airport. Mester bisa ku nos muchanan a duna 100 % apesar di basta kontratempu. Great, awor mester traha mas duru ku nunka, paso nos sòftbòl femenino tin hopi “enemigu”. Ban mira, ta bon pa sa:”Ken ta kumi, ken ta kontrami ??”…