Nan a dal 4 homerun: Yankees ku rekòrt di 24-8…

· New York Yankees ta sigui kayente. Ayera Yankees a bati 4 homerun pa gana di Chicago White Sox 10-4. Giancarlo Stanton, Aaron Judge, Joey Gallo i Josh Donaldson a dal homerun, Donaldson a empuhá 3 kareda.

Gerrit Cole a tira 6.1 di inning, permití 6 hit i 3 kareda poncha 9 batido pa pone su rekòrt na 3 ganá i 0 pèrdí.

Michael King a bai 2.2 di inning, duna 1 kareda. Yankees tin e mihó rèkòrt den baseball 24-8.