Na Wisconsin: Hòmber ku a pasa ku su outo den multitut a keda kondena na kastigu di bida largu

WISCONSIN – Wes Waukesha Jennifer Dorow di korte supremo na Wisconsin a kondena Darrell Brooks (40) na kastigu di bida largu.
Algu di historia di lokual a pasa ku Darrell Brooks ta ku dia di e tragedia ela kaba di pleita ku su pareha i a drenta den su SUV Ford Escape kora ku hopi furia.
Na momentu ku ela bai pa pasa den sentro di suidat a bin topa ku un desfile na Waukesha dia 21 di Novèmber di aña 2021.
Un total di 6 hende a muri i 60 otro a resultá herida ku e hazaña diabóliko di Darrel Brooks.
E parti mas tristu di lokual a pasa aki ta ku tabatin un kriatura ku a fayesé ku yama Jackson Sparks (8) ku pa promé biaha a partisipá den e desfile ku su ekipo di Little League i ku a keda alkansá pa e outo di Darrel Brooks.
Wes Waukesha Jennifer Dorow tabatin palabranan fuerte den korte kontra Darrel Brooks indikando ku komunidat tin ku sigi kria un mònster asin’aki ku a hasi hopi daño na hopi hende na Wisconsin.
Darrel Brooks a skapa debí ku na Wisconsin no tin kastigu di morto sino elo a haña esaki sigur segun palabranan di Wes Waukesha Jennifer Dorow.