Na Virginia: Hòmber a drenta den Walmart armá i mata 6 persona pa despues kometé suisidio

VIRGINIA – Leo Kosinski bosero di kuerpo polisial na Chesapeake, Virginia a konfirmá ku ayera alrededor di 10’or di anochi un hòmber a kana drenta den un filial di Walmart i for di entrada a kuminsá tira riba hende.
Lokual ku outoridatnan por a opservá riba imáhen di kámaranan di seguridat di Walmart ta ku pa suerte no tabatin hopi hende den e tienda na momentu di tiroteo.
Pero si esnan ku tabata den e tienda a kore pa skapa nan bida di e hòmber loko aki ku a bin ku mal intenshon.

Leo Kosinski a splika ku na momentu ku agentenan di seguridat a yama emergensia i ku e hòmber a tende sirena di outo di polis ta aserkando ela disidí na kometé suisidio.
E kaso aki ta bou di investigashon ya ku asesino mes a kometé suisidio i tin ku bai wak ta dikon ela kometé un krímen asina horibel di mata asina tantu hende inosente ku no ni konosé.
E kaso di bashamentu di bala den Walmart ta pasa tres dia despues ku un hòmber ta kana drenta un Gay Klup na Colorado i mata 5 i herida otro 17 persona.