Na Venezuela: Eks general retirá ku a lanta kontra Maduro a keda laga den libertat

CARACAS – Alonso Medina Roa abogado i spesialista den derechonan humano na Venezuela a konfirmá ku Angel Vivas Perdomo eks general retirá ku a keda kondena na 7 aña i 6 luna di kastigu di prizon pa lanta kontra Nicolas Maduro a rekobrá su libertat.
Mester bisa ku Angel Vivas Perdomo a keda apsolv’é di e delitonan di traishon na Patria i Rebelion Militar.
E motibu dikon a kondena Angel Vivas Perdomo ta debí ku a akus’é di tabata in di e instigadornan na un rebelion kontra Nicolas Maduro dia 7 di aprel di aña 2014.
Segun Kelvi Zambrano eks general retirá ta den aresto for di 2017 i ku awor numa debí na su kondishon malu di salu a konsiderá pa lag’é den libertat.
E desishon pa laga Angel Vivas Perdomo den libertat tabata di Korte di Militarnan na Caracas ku a haña ku e eks general a sinta sufisiente kastigu.
Komo ku Angel Vivas Perdomo no a kumpli ku tur su kondena elo bai risibí bishita di un ofisial kada 30 dia pa wak si e ta kumpli ku órden di kondishonnan di korte Militar.
Angel Vivas Perdomo tabata un tempu na kabes di Sebin (Servicio Bolivariano de Inteligencia Nacional) mihó konosí komo El Helicoide.