Na Tijuana: Polis a haña seis kadaver den un Van riba parkeerplaats

MEXICO – Roberto Quijano direktor di kuerpo polisial na Baja California a konfirmá ku polis diskubrí 6 kadaver den un Van bandoná na Plaza Conquistador.
Aparentemente e Van ku polis a lokalisá a keda haña na Plaza Conquistador i a keda reportá hòrta pa algun ratu kaba.
Esnan ku a hòrta e Van tabatin mal intenshon ya ku a usa esaki pa likidá 6 hende i bin stashoná esaki na Plaza Conquistador ku intenshon pa manda un señal pa polis.
Agentenan polisial a rondoná e Van a sinti holó di kadaver i esaki a pone ku na momentu ku na momentu ku a bai habri e porta pa wak kiko tabatin aden a bin topa ku sorpresa. Roberto Quijano a splika ku e agentenan a bin haña 6 kurpa sin bida di kual tabatin señal di bastante maltrato.
Ta trata aki di 1 muhé i 5 hòmber di nashonalidat Mexicano i ku tur tabata prosedente di Tijuana.
Statistiknan ofisial di seguridat públiko ta mustra ku entre yanüari pa novèmber a keda registrá 2.279 kaso di homisidio na Baja California.