Internashonal
Na Texas: Durante diskushon kliente a tira Security guard den restorant mata
TEXAS – Chris Huerta bosero di kuerpo polisial na Dallas, Texas a konfirmá ku djasabra alrededor di 10’or di anochi sentral di polis a risibí un yamada indikando ku tabatin un kaso di tiroteo na un konosido restorant ku yama Brickhouse Lounge DeSoto.
Na momentu ku vários patruya a keda dirigí na e restorant a bin topa ku un Security guard benta abou den un plas di sanger sin ta duna señal di bida.
Segun testigunan lokual a pasa ta ku un kliente a kuminsá diskutí ku e Security guard i pa despues e sospechoso a saka su arma di kandela i los vários tiru dirigí riba dje.
Konsekuensia di lokual a pasa aki ta ku e Security guard identifiká komo Derek Phillips ( 47) a fayesé miéntras e sospechoso ku yama Toussel Kuhn a keda detené no muchu leu for di e sitio di krímen.
Chris Huerta a splika ku wes ku ta atendiendo ku e kaso aki no aseptá ningun fiansa pa libertat di Toussel Kuhn sospechoso ku a mata Derek Phillips.