Internashonal
Na Spaña: Den apenas un luna inflashon a subu ku 10.2% i ta keda kompará ku e situashon na Argentina
MADRID – Pedro Sánchez presidente di Spaña mes a atmití ku kosto di bida den e pais ta demasiado karu i esaki ta debí na e oumento drástiko di preisnan di kombustibel.
Ta trata aki di un inflashon ku den apénas un luna a subi yega te na 10.2 porshento ku ta pone ku kosto di bida a subi drástikamente di kual produktonan di primera nesesidat ta karisimo. Analistanan finansiero na Spaña a indiká ku e último biaha ku tabatin un inflashon asina haltu tabata na aña 1985.
Ta trata aki di un mal notisia ya ku si preis di kombustibel sigi subi di manera e ta bayendo aki e inflashon tambe lo sigi oumentá.
Gobièrnu di Pedro Sánchez a trata na supsidiá durante algun luna e preis di kombustibel pero a informá ku nan no tin espasio mas. Segun proyekshon di OECD (Organization for Economic Cooperation and Development) Spaña ta figura entre e 20 paisnan ku mas subida di preis riba tur nivel a aña aki.