Na Spaña: Aksidente di trafiko horibel a laga un saldo di 7 morto i 1 herido

MADRID – Djadumingu anochi a surgi un aksidente horibel ku un bus ku tabata transportá pasahero ku e shofùr a pèrdè kontrol riba un brùg na e region di Galacia i bai kai den riu.
Segun fuentenan ofisial tabatin 8 okupante abordo i shofùr di e bus ku a pèrdè kontrol i bai dal den vangrail
konsekuentemente a bai kai den riu na Galicia.
José Miñones bosero di kuerpo polisial na Galicia a konfirmá ku un shofùr ku tabata kore tras di e bus i presensia lokual a pasa a yama sentral di polis pa informá i manda patruya i ambulans pa asina bin reskatá esnan ku tabata den e vehíkulo.
Na momentu ku ambulans, polis i bomberonan a yega na e sitio di aksidente no tabata por a hasi muchu debí ku tabata birando. Asina mes kuerpo di reskate a logra saka 7 kurpa sin bida i tabatin un menor di edat ku tabata e úniko sobrebibiente di e aksidente horibel aki.
José Miñones a indika ku tabata falta 1 persona i ku ayera mainta a logra rekuperá su kurpa sin bida na momentu ku kran a saka e bus for di e riu na Galiacia.
E último víktima tabata un muhé Peruano ku tabata biahando pa su trabou ku ta na un kas ansiano na Galiacia.