Na Santo Domingo Konosido payaso a keda kondena na 12 aña pa abusu seksual di menornan

SANTO DOMINGO – Ayera un wes di Korte di promé instansia na Santo Domingo a kondena e konosido payaso Kanqui na 12 aña di kastigu di prizon debí ku ela abusá seksualmente di varios mucha.
E payaso Kanqui su nòmber real ta Kelvin Francisco Núñez Morel i tabata produsí i aktua den e programa popular na televishon durante e último 13 añanan ku a pasa aki.
Fuera ku payaso Kaqui tin ku bai sera e mester paga tur e hendenan ku ela abusá di dje seksualmente huntu un kompensashon di $35.000.
Félix Portes abogado di e payaso Kanqui a indika ku ta trata aki di 10 persona ku ela abusá di nan seksualmente
i ku kada unu lo risibí $3.500.
Durante un programa di radio na aña 2019 tabatin un hòmber a deklará ku tempu ku e tabata mucha payaso Kanqui a viol’e i asina mas hende a bin denunsié.
Abogado Félix Portes a splika ku su kliente lo tin ku presentá na e prizon na Santiago e siman aki mes sino outoridatnan lo bai buské.