Na San Fransisco: Hòmber asiátiko ta asesiná shete persona

SAN FRANSISCO – Tin algu serio ta tumando luga den e komunidat asiátiko kaminda den apénas dos dia mas ku 17 hende ta keda asesiná ku arma di kandela.
E promé kaso a tuma luga na California djasabra i ayera tambe un kaso di asesinato masal ta tuma luga na San Fransisco.
E biaha aki e kaso di asesinato masal a tuma luga na un lokalidat ku yama Half Moon na San Fransisco ku tin apénas 11.000 habitante ta biba.
Lokual a pasa ta ku un hòmber Asiátiko a keda herida i por a deskribí polis ku un hòmber asiátiko identifiká komo Zhao Chunli (69) a tira riba dje.
Mesora polis a bai na un finka na Half Moon Bay i a bin topa ku kuater persona ku no tabata duna señal di bida.
No a dura muchu ku polis a bin haña tres hende mas morto serka di San Mateo na Half Moon Bay.
Zhao Chunli mes a disidí na bai warda di polis den su vehíkulo ku agentenan por a detené.
E kaso aki tambe ta bou di investigashon pa wak kiko realmente ta pasando den e komunidat Asiátiko.