Na San Antonio: Hòmber (19) arestá pa menasa di kometé un masakre na fasilidat di Amazon

SAN ANTONIO – Ricardo Guzman bosero di kuerpo polisial na San Antonio Texas a konfirmá ku ayera nan a detené un hòmber identifiká komo Rodolfo Valdivia Aceves (19) ku a menasa di kometé un masakre na e fasilidat di Amazon.
Lokual a pasa ta ku for di siman pasa Rodolfo Valdivia Aceves tabata diskutí ku su hefe den e departamento ku e ta traha na Amazon. Promé ku Rodolfo Valdivia Aceves a bandoná e fasilidat di Amazon siman pasa ela toka e tema ku un kolega di dje indikando ku mihó kos ku elo por hasi ta pa no bin traha e siman aki ya ku e no tin muchu bon intenshon pa lokual ta e traidornan ku e ta trahando kuné.
E kolega ku su nòmber no a keda revelá a bai informá hefe di su departamento djamars di intenshon di Rodolfo Valdivia Aceves.
E hefe na su turno a disidí na yama polis ayera i nan a bai na residensia di Rodolfo Valdivia Aceves pa realisá un entrada hudisial.
Enrealidat ta ku Rodolfo Valdivia Aceves tabatin vários arma outomátiko tipo AR-style rifel ku bastante munishon ku elo por a kometé un masakre sigur na e fasilidat di Amazon.
Ricardo Guzman a deklará ku a detené Rodolfo Valdivia Aceves pa mas investigashon..