Internashonal
Na Rusia: Kasonan di coronavirus a oumentá di un forma alarmante
MOSKU – Mijaíl Murashko minister enkargá ku e kartera di salubridat na Rusia a konfirmá ku den e último dos siman konsekutivo kasonan di infekshon di coronavirus a bin ta oumentá.
E parti alarmante ta ku entre 21 pa 27 di novèmber outoridatnan sanitario a registrá 38.535 kaso di coronavirus na Rusia.
E informe aki pa lokual ta militarnan Ruso ta alarmante debí ku e hendenan aki ta riba otro kombiná ku e friu ta infektá otro hopi mas lihé.
Ne momentunan aki tin un total di 7.783 hende hospitalisá di kual mas ku mitar ta den estado kritiko den kuido intensivo.
Mijaíl Murashko minister enkargá ku e kartera di salubridat na Rusia a konfirmá ku nan a kuminsá ku e proseso di bakunashon i ta spera ku esaki lo por kuminsá redusí e kasonan di kontagio of sikiera evitá ku kantidat haltu di hende tin ku keda interná den kuido intensivo.