Internashonal
Na Puerto Rico: Wardadornan di presu a diskubrí ku 50 kilo di kokaina skonde den prizon
SAN JUAN – Héctor Cruz direktor di e Divishon di Droga i Narkótiko di Ponce a konfirmá ku ayera wardadornan di presu na e konosido prizon Las Cucharas a diskubrí un total di 50 kilo di kokaina skondí den diferente kliko ku tabata warda produktonan pa atendé ku limpiesa na e sentro di rehabilitashon.
Ta trata aki di un hayasgo grandi ya ku ta sospecha ku e droga aki ta pertenesé na un di e mafiosonan ku tin algun tempu kaba enkarselá na e prizon Las Cucharas.
Héctor Cruz a splika ku e kantidat di droga haña aki tin un balor riba kaya na aproksimadamente $1 mion.
Ana Escobar Pabón sekretaria di DCR (Drug Consumptions Rooms) a indiká ku e droga a keda konfiská pa DEA i ku agentenan di FBI lo bai keda enkargá ku e investigashon pa wak ken realmente ta doño di e droga aki.
Tin menasa a kuminsá kai kaba di parti un grupo di trafikantenan den e prizon kontra e agentenan di DCR
ku a diskubrí e droga i notifiká nan ofisialnan.