Na Puerto Rico: E pueblo ku marcha di protesta masal pa rechasá oumento di preis di koriente

SAN JUAN – For di tempu ku orkan Irma a asotá Puerto Rico i laga un daño ireparabel atras vários kompania di utilidat a bin duna nan servisio na e isla.
E kompania di utilidat ku a yega i keda Puerto Rico pa algun tempu kaba pa hasi negoshi yama Luma Energy ku tin su sede prinsipal na Houston.
Diariamente koriente ta bai na vários parti di e isla i ku ta parse ku den un periodo di un aña Luma Energy a subi su tarifanan kasi 7 biaha.
Luma Energy ta un empresa di utilidat priva merikano ku a haña pèrmit di ópera na Puerto Rico ku pèrmit di gobièrnu.
Den e kaso aki nan no ta kumpliendo ku ningun di e promesanan ku a keda presenta na gobièrnu i pueblo di Puerto Rico ta kansa. Ta p’esei mes ayera míles di suidadano huntu ku miembronan di oposishon di gobièrnu a kuminsá ku nan marcha di protesta na Kapitolio i kana bai sede di gobièrnu ubika na La Fortaleza.
Vários legislador di oposishon manera di e Partido Popular Demokrátiko i Partido Independentista Portorikeño i alkaldenan a uni den e marcha di protesta den rechaso di oumento di faktura di koriente.