Na Peru: Ministerio Públiko a ordená pa investigá Pedro Castillo pa trafikashon di influensia

LIMA – Liz Patricia Benavides fiskal general na Peru a keda enkargá ku e di kuater investigashon kontra di presidente Pedro Castillo relashoná ku uso influensia pa sera kontratonan ku gobiernu.
E investigashon kontra Pedro Castillo a kuminsá na momentu ku ela destituí Mariano González eks minister di Interior.
Mariano González tabata minister enkargá ku relashonnan eksterior di Interior na Peru pa solamente 15 dia ku presidente Pedro Castillo di un forma sorpresivo a destitui.
Un dia despues Mariano González a bai prensa pa denunsia Pedro Casillo di ta metí den aktonan di korupshon debí ku ela trata na pone preshon riba dje pa faya ku leinan di hustisia.
Na momentu ku Ministerio Públiko a tende lokual Mariano González a bisa mesora Ministerio Públiko a ordená fiskal Liz Patricia Benavides kuminsá ku un investigashon.