Na Peru: Konsehero prinsipal di presidente Pedro Castillo a entrega su karta di renunsia

LIMA – Daniel Salaverry konsehero di Pedro Castillo mandatario di Peru a renunsia di su kargo ad honorem.
Tin indikashon ku Daniel Salaverry no tabata por ku e preshon di atakenan kontra e gobiernu di Pedro Castillo.
Daniel Salaverry a gradua komo arkitekto i despues a bira un empresario eksitoso na Peru.
Debí ku e tabatin bon reputashon komo empresario ela drenta den polítika for di époka di Alberto Fujimori.
Durante Daniel Salaverry su karera komo polítiko a fungi komo kongresista i na 2018/2019 a bira presidente di Kongreso di Peru.
E motibu dikon Daniel Salaverry a renunsia di su kargo ta debí ku presidente Pedro Castillo tin demasiado problema ku hustisia.
Den e kaso aki familiarnan di Daniel Salaverry tambe a konseh’é pa no sigi mas ku e funshon di konsehero di Pedro Castillo.