Na Peru: Dos venezolano kondena na 35 aña di kastigu di prizon pa homisidio

LIMA – For di momentu ku Nicolas Maduro a yega na poder mas ku 6 mion venezolano a bandoná e pais.
Gran parti di e venesolanonan ku a hui pa paisnan eksterior a imigrá pa Colombia, Peru, Argentina, Brazil, Guyana i Panama.
Colombia ta e pais ku mas venezolano a imigrá sigi pa Peru i sobra a keda plama pa otro paisnan den Amerika Latina.
Den e grupo grandi di venesolanonan ku a imigrá pa e paisnan den Amerika Latina entre nan tin delinkuente tambe naturalmente. Hopi di nan a bai Peru konsiderando ku e pais aki tin un ekonomia relativamente sólido i ku si traha por sobrebibí.
Den e kaso aki tabatin dos venezolano fugitivo di hustisia ne Venezuela ku a yega Peru na 2018 identifiká komo Abraham Perozo i Angelbert Díaz.
E dos kriminalnan aki tabatin apénas algun siman na Peru ku nan a kometé un krímen horibel di mata dos Peruano i pa despues kapnan na mochi i sende nan na kandela.
Den era moderno aki ku teknologia di kamara di vigilansia a kapta imáhen di Abraham Perozo i Angelbert Díaz huntu ku e dos víktimanan.
No a dura muchu ku outoridatnan a kaptura Abraham Perozo i Angelbert Díaz i ku ayera despues di kasi kuater aña wes Luis Alberto Álvarez Torres a kondena ámbos na 35 aña di kastigu di prizon.