Na Paraguay: 35 presu a hui for di prizon i minister di hustisia a pone su kargo na disposishon na presidente

ASUNCION – Den fin di siman ku a kaba di pasa un total di 35 presu peligroso a hui for di un prizon na Paraguay.
Segun investigashon preliminar e presunan a logra hui ku yudansa di wardadornan di presu ku ta laborá na e prizon ku yama Regional de Misiones.
Teniendo kuenta di krítikanan Édgar Olmedo minister enkargá ku e kartera di hustisia a risibí a disidí na pone
su posishon na disposishon di presidente Mario Abdo Benítez.
Mario Abdo Benítez a indika ku ela reuní ku Édgar Olmedo ku a splika ku e ta dispuesto i kapas pa sigi ku e lucha kontra krímen organisá na Paraguay.
Di e total di 35 presunan ku a fuga un total di 21 a keda kaptura i tin 14 ku a keda profugo di hustisia ainda.
Polis Nashonal di Paraguay a indika ku e presunan ku a hui ta individuonan konsiderá komo bastante peligroso.
Mayoria di e kriminalnan ku a hui aki ta vinkulá ku gengnan ku ta liga ku narkotráfiko i sikariato na Brazil.