Na Panama: Mas ku 200 trùk di karga a blòkia karetera den protesta kontra medidanan di gobièrnu

PANAMA – Ayera mas ku 200 trùk di karga ku supuestamente ta transportá alimento pa supermerkadonan di empresanan a blòkia kareteranan ku kondusí pa bai kapital.
E motibu dikon e shofùrnan di tur e trùknan aki a blòkia e karetera aki ta debí na protesta kontra ku tur e medidanan ku gobièrnu kier bin ta implementá pa subi kosto di bida na Panama.
Den e kaso aki hasta polis i miembronan di sindikatonan na Panama tabata eskolta tur e shofùrnan ku a blòkia trùknan di karga yena ku alimento fresku ku mester keda entrega na diferente destinashon.
Lokual ta bon den e kaso aki ku e pueblo a uni i0 lanta kabes kontra di e gobièrnu ku mester buska solushon pa atendé ku e problema i no buska e manera fásil di bira oumentá kosto di bida sin mas.
Miéntras tantu ku tur minister i parlamentarionan di e pais ta biaha i biba bon miéntras e pueblo ta sufri ku oumento drástiko di kombustibel i alimento.
Laurentino Cortizo presidente di Panama den e kaso aki mester tene bon kuenta ku e mester bai kumpli ku su promesa i obligashon di buska manera pa kita e medidanan i buska solushon pa mantené kosto di bida abou.