Internashonal
Na Orlando polis ta investigando: Un kaso kaminda sinku miembro di un famia a keda haña morto den un kas
ORLANDO – Andrea Otero bosero di kuerpo polisial na Orlando a konfirmá ku ayera polis mester a atendé ku un kaso kaminda a haña sinku miembro di un famia morto den un kas na Lake Nona.
Na momentu ku polis a drenta den e kas a bin haña tres adulto morto i dos menor di edat.
Andrea Otero a splika ku departamentu forensiko a konfiská e kadavernan pa realisá un investigashon pa asina wak si ta trata aki di un kaso di asesinato of suisidio.
Ounke ku outoridatnan no a divulgá identidat di ningun di e fayesidonan por a komprondé ku por ta trata aki di un kaso di suisidio.
Segun informashon ku polis a haña di bisiñanan ta ku e pareha di orígen hispano tin apénas dos luna ku nan a muda den e residensia.
Bisiñanan a nota ku e famia tabata bastante reserva debí ku nan yu hòmber (20) i dos yu muhé di 6 i 7 aña di edat nunka tabata sali pa bin sosialisá ku otro muchanan di e bario na Lake Nona.