Internashonal
Na New York: Hòmber ku rifel di asalto detené dilanti kas di periodista Iraní
NEW YORK – Djasabra durante oranan di trèmerdia un periodista Iraní ku yama Masih Alinejad a notifiká polis na Brooklyn ku tabatin un hòmber para dilanti su porta di kas ku un rifel di asalto.
Den e kaso aki vários patruya a kore yega i a konfrontá e hòmber Iraní identifiká komo Khalid Mehdiyev (23).
Tin indikashon ku e periodista Masih Alinejad a bin ta krítika e gobiernu di Iran i tabata defendé derechonan di hende muhé na Iran riba su página di Facebook.
E lokual ku Masih Alinejad tabata hasi aki a pone ku Khalid Mehdiyev a biaha den su Subaru Legacy for di Illinois ku un fusil AK-47 pa asesiná e periodista.
Den e vehíkulo di Khalid Mehdiyev tabatin vários potrèt di Masih Alinejad ku ta nifiká ku ela biaha pa Brooklyn ku intenshon pa likide.
Masih Alinejad a risibí un premio di derechonan humano na Geneve na 2015 pa krea un página di Facebook ku muhénan di su pais tin mesun balor ku hende hòmber.
Khalid Mehdiyev