Na New York: E dos hòmbernan kondená pa asesinato di Malcolm X lo sali liber

NEW YORK – Na aña 1966 dos hòmber identifiká komo Muhammad A. Aziz i Khalil Islam a keda kondena na kastigu di bida largu komo esnan ku a asesiná e aktivista Malcom X. Muhammad A. Aziz i Khalil Islam a kumpli 55 aña enkarselá den prizon i segun fiskal Cyrus Vance ámbos Semper a para firme ku nan no a kometé e krímen.
Malcolm X mes a keda asesiná dia 21 di Febrüari di aña 1965 i Muhammad A. Aziz i Khalil Islam a keda kondena den korte na Manhattan na aña 1966.
Fiskal Cyrus Vance a bisa ku e dos hòmbernan aki no a haña un trato hustu den korte ya ku hustisia den dékadanan 60 a skohe dos hòmber pretu ta tapa e bèrdat real ku ta miembronan di KKK lo ta metí den e kaso aki.
Awendia ku tin teknologianan moderno a bin diskubrí ku FBI i polis na New York a wanta informashon atras segun fiskal Cyrus Vance.
Ta p’esei tur e pruebanan nobo nan aki lo a keda eksponé den Korte federal pa asina por anulá kondena di Muhammad A. Aziz i Khalil Islam .
Den e kaso aki hasta e tres yu muhénan di Malcolm X ku yama Qubiliah, Ilyasah i Gamilah Shabazz a pidi outoridatnan pa bolbe habri e kaso di asesinato di nan tata bek.