Na New York: Adiktonan na droga i hendenan ku problema mental lo keda interná den kasnan di kuido

NEW YORK – Pa esnan ku a yega di bishita New York i a transitá den Metro, stashon di trein u bus i den sentro di e suidat a nota ku tin hopi adikto i hendenan ku problema mental ku ta forma un peliger pa esnan ku ta transitá. Teniendo kuenta ta kuantu kaso di maltrato tin Alkalde Eric Adams a anunsiá algun medida ku lo bai keda tuma. Alkalde Eric Adams a bin ta hasi un tremendo trabou pa hasi un limpiesa kaminda tin hopi hende ta transitá ku ta laga polis arestá tur e adiktonan i esnan ku problema mental i bai aloká nan den institutonan ku estado pafó di New York. Pa entrante 1 di desèmber Alkalde Eric Adams a duna òrdu pa tin kontrol di míles di polis 24 ora pa dia 7 dia pa siman.
Lokual ku ta pasando tambe ta ku tin kamara tur kaminda instalá pa asina polis ku tin mihó bista den sentronan di kontrol pa por atendé ku seguridat di e públiko ku ta transitá tur dia i ku mester hasi uso Metro, bus i trein.
Ta na e lugánan aki menshoná mayoria di e asaltonan kontra e públiko ta keda tuma.