Na New Jersey: Polis a haña kargamentu grandi di arma skonde den bodega di hospital

NEW JERSEY – Mike Kelley hefe di kuerpo polisial na New Jersey a konfirmá ku tabatin un bòm melding na Hudson Regional Hospital na komienso di e siman aki.
Polis a manda personal spesialisá pa lokalisá e supuesto bom ku tabatin na Hudson Regional Hospital.
Den e búskeda aki agentenan a usa kachónan pa buska i hole tur kaminda den e hospital i den un bodega sera na kandal a bin haña kantidat di munishon i arma di kandela.
Mike Kelley a bin komprondé ku e bom melding aki tabata nifiká ku un hende den e hospital tabata kier pa polis drenta i inspekshona e edifisio pa asina diskubrí e kargamentu grandi di munishon i arma di kandela.
Tin indikashon ku e kantidat grandi di armamentunan aki tabata pertenesé na e direktor di Hudson Regional Hospital ku a keda identifiká komo Reuven Alonalayoff.
Reuven Alonalayoff a keda arestá ayera tardi na Aeropuerto Internashonal Newark Liberty.
Den e kaso aki Reuven Alonalayoff lo tin ku bai duna hustisia kuenta i rason dikon e tin asina tantu munishon i arma di kandela den bodega di Hudson Regional Hospital.