Na Nebraska: Polis a tira hòmber mata ku tabatin plan di ataka ku su rifel di asalto den Target

NEBRASKA – Todd Schmaderer hefe di kuerpo polisial na Omaha, Nebraska a konfirmá ku ayera durante dia un hòmber blanku a kana drenta un sukursal di tienda Target ku un rifel di asalto AR-15 ku un tas di lomba.
Na momentu ku klientenan a wak kiko tabata pasando tur hende a kore sali i poko despues a kuminsá tende tiru di bala zona.
Polis a keda notifiká i den un tempu rekòrt nan a yega
i drenta den Target i tira e asaltante aki mata.
Kapitan Todd Schmaderer a splika ku e asaltante aki tabatin intenshon pa likidá bastante debí ku den su tas di lomba tabatin 15 kashi di bala.
E parti positivo di lokual a pasa aki ta ku ningun hende a resultá herida debí na akshon rápido di agentenan di seguridat di Target i agentenan polisial di Nebraska.