Internashonal
Na Minnesota: Polis a haña nan ta sera sentro komersial debí na tiroteo
MINNESOTA – Booker Hodges hefe di kuerpo polisial na Minnesota a konfirmá ku ayera tardi alrededor di 4:15 a surgi un situashon di pániko den e sentro komersial mas grandi di Merka ku yama Mall of America.
Durante e periodo di vakashon aki tin míles di hende ta bai rekreá den Mall of America ku tin aproksimadamente 500 tienda i un zona di Food Court enorme.
Booker Hodges a splika ku testigunan ku tabata den e sentro komersial aki a tende un hende ta grita palabranan malu den e establesimentu di Nike.
Na dado momentu a tende tiru di bala zona i aki tur hende ku tabata den Mall of America a sali na kareda. Booker Hodges a indika k upa suerte ningun hende a resultá herida miéntras tantu polis ta buskando esnan ku a basha bala den tienda di Nike.
Dan Jasper bosero di Mall of America a deklará ku awe djabièrnè nan lo habri bek pero lo bai presensia di bastante seguridat di polis durante hinter fin di siman.