Na Michigan: Polis blanku akusá di tira shofùr pretu mata intenshonalmente

MICHIGAN – Ayera Chris Becker fiskal general na Michigan a konfirmá ku lokual tin na investigashon te kuné momentunan aki ta ku un agente polisial blanku
lo a tira un shofùr pretu mata intenshonalmente.
Kiko a pasa ta ku e agente polisial identifiká komo
Christopher Schurr a keda ofisialmente akusá ayera di
a tira Patrick Lyoya (26) un hóben afroamerikano mata ku un tiru di bala den kabes.
Fiskal Chris Becker a splika ku lokual ku por a kapta riba grabashon di video di kamara di agente Christopher Schurr ta ku ela ordená Patrick Lyoya baha for di su outo pa despues di un kontrol di tráfiko.
Na momentu ku Patrick Lyoya a baha for di su vehikulo agente Christopher Schurr a kuminsá akus’é di tin droga den outo.
Esaki kondusí na diskushon i ku finalmente agente Christopher Schurr a kuminsá forsagea ku Patrick Lyoya.
Den e forsageo Christopher Schurr a logra benta Patrick Lyoya na suela i pa despues saka su arma di kandela i tire mata.
Fiskal Chris Becker a splika ku Christopher Schurr no tabatin motibu válido pa tira Patrick Lyoya asina i ku fiskal a akusá di asesinato di dos grado.
Ayera nochi mes tabatin bastante hende ta manifestá den sentro di Grand Rapids pa lokual e polis blanku aki a hasi.