Na Memphis: Homber (19) ta bai live riba Facebook durante kaseria kon ta tira hende mata

MEMPHIS – Cerelyn “C.J.” Davis hefe di kuerpo polisial na Memphis a konfirmá ku ayera un hòmber a bai Facebook livestream kon e ta pasa tira riba hende ku ta sirkulá riba kaya.
E hòmber ku a kometé e barbaridat aki ta un afroamerikano i a keda identifiká komo Ezekiel Kelly (19).
Ezekiel Kelly no tabatin antesedente penal pero lokual ela hasi aki ta manera ta lokual ta pasa den un wega di Playstation kaminda ta pasa basha bala riba hende ku e no ni konosé.
Cerelyn “C.J.” Davis durante su rueda di prensa a indiká ku durante oranan di mardugá Ezekiel Kelly a tira riba no ménos ku 11 hende di kual kuater a fayesé i tin shete hende den estado kritiko den hospital na Memphis.
Polis a logra detené Ezekiel Kelly na momentu ku ela bai Live riba Facebook na momento ku ela yega para su vehíkulo dilanti un lugá di bende piesa pa outo ku yama Autozone Jackson Avenue.
Ezekiel Kelly a drenta den Autozone i tira un hòmber mata i na momento ku Ezekiel Kelly tabata saliendo ela bin topa ku un batayon di patruya ku a rondoná su vehíkulo.
Cerelyn “C.J.” Davis a deklará ku Ezekiel Kelly tin ku bai duna kuenta i rason di lokual ela hasi na outoridatnan.