Na Massachussetts: Shofur den SUV a kore drenta den Apple Store lagando un saldo di 1 morto i 16 herido

MASSACHUSETTS – Ayera alrededor promé ku trèmerdia sentral di polis a risibí un yamada pa manda polis i ambulans na un Apple Store ku ta keda na Hingham Road den sentro di Massachussetts.
Steve Murhpy hefe di kuerpo polisial na Massachussetts a konfirmá ku un hòmber den su SUV kolo pretu a pèrdè kontrol riba su vehíkulo i kore pasa stret bai dal den entrada di un Apple Store lagando un saldo di 1 morto i 16 herido.
Pa kolmo e tienda di Apple Store tabatin bastante kliente para den fila pa kumpra produktonan nobo ku tin riba merkado.
Kristen Perfetuo bosero di South Shore Hospital na Weymouth, Massachusetts a bisa ku tin 18 persona den estado di trouma di kual tres ta den estado kritiko.
Lokual ku lo bai investigá ta ku si e shofùr realmente a pèrdè kontrol riba su vehíkulo of tabatin intenshon pa kore drenta den e negoshi ku su vehíkulo.