Na Marland: Fugitivo di hustisia durante persekushon a tira polis mata

MARYLAND – Marcus G. Jones hefe di kuerpo polisial na Maryland a konfirmá ayera tardi durante un rueda di prensa ku un di nan koleganan ku tabatin 16 aña den servisio a keda asesiná pa un fugitivo di hustisia.
Lokual a pasa ta ku agente Glenn Hilliard (42) a detektá e sospechoso prófugo di hustisia identifiká komo Austin Jacob Allen Davidson (20) ta saliendo for di un kompleho di apartamento na Pittsville.
E fugitivo a nota ku agente Glenn Hilliard a wake i aki ela sali kore bai den direkshon di mondi.
Agente Glenn Hilliard a sali kore tras di Austin Jacob Allen Davidson i sin tin tene kuenta ku e fugitivo tabatin un arma di kandela huntu kuné.
Austin Jacob Allen Davidson a tira agente Glenn Hilliard den kabes ku konsekuensia ku ela bin fayesé.

Marcus G.Jones a indiká ku Austin Jacob Allen Davidson a keda detené i ku wes no a aseptá ningun fiansa pa su libertat.
Agente Glenn Hilliard a bai laga un kasa i dos yu chikí atras.