Na komienso di 2023: Venezuela lo bai kuminsá eksportá fertilisante

CARACAS – Tareck El Aissami minister enkargá ku Petrolio i Industria na Venezuela a konfirmá ku nan ta preparando pa kuminsá eksportá fertilisante pa 2023.
Ya kaba produktornan a kuminsá ku nan aktividatnan i e produkto final pa bira fertilisante lo bai keda produsí pa e kompania di estado ku yama Pequiven.
Tareck El Aissami a splika ku den aktualidat Pequiven ta produsí i abastesé fertilisante pa merkado nashonal.
Pa 2023 entre tur e produktornan ta avansando e kapasidat pa kuminsá eksportá fertilisante i esaki lo bai ta na un preis kompetitivo.
Tareck El Aissami a bisa ku pa 2023 ekonomia di Venezuela lo bai krese barbaramente ya ku porta a habri ku nan por kuminsá eksportá no solamente produktonan petrolero sino fertilisante i alimento tambe.