Na Iran: Raper ku a bai apoya marcha di protesta lo por haña kastigu di morto

TEHERAN – Tomaj Salehi konosido Raper Iraní a bai apoya marcha di protesta relashoná ku ehekushon di Mahsa Amani (22) dia 16 di sèptèmber último.
Despues di e fecha aki tabatin un desórden sosial na Iran kaminda míles di hende ta subi kaya pa manifestá i protesta pa lokual a pasa i derecho humano di hende muhé.
Den e kaso aki Tomaj Salehi ku tambe a partisipá den e marchanan di protesta a keda detené i awor posiblemente tambe lo keda ehekutá via palu di horka.
E motibu dikon a kondena Mahsa Amini ta debí ku e no tabata kier a bisti su Burka den públiko.
Despues di e ehekushon di Mahsa Amini outoridatnan hudisial Iraní a detené 15.000 manifestá di kual te ainda tin 2.000 hende detené.
Te kuné momentunan aki tin 24 Iraní ku a organisá i partisipá den e marcha di protesta ku a haña kastigu di morto di kual 4 a keda ehekutá kaba.
E organisashon di Derechonan Humano ku tin nan sede na Oslo a indika ku pa lokual ta e aña aki un total di 342 suidadano Iraní a keda ehekutá simplemente pa motibu tabata kontra e leinan islámiko.