Na Iran: Polis a detené konosido aktris ku a partisipá den disturbio

TEHERAN – Den fin di siman ku a kaba di pasa familiarnan di e konosido aktris Iraní Taraneh
Alidoosti a konfirmá ku ela keda detené.
Taraneh Alidoosti ganador di premio Oscar na 2017 pa su partisipashon den e pelíkula “Forushandeh” a keda detené pa motibu ku ela partisipá den vários marcha di protesta kontra gobiernu.
Segun fuentenan ofisial Taraneh Alidoosti no tabatin su Burga di un forma apropiá bisti i ku ta p’esei polis a detené.
Tambe Taraneh Alidoosti a partisipá den vários marcha di protesta relashoná ku e ehekushon di Mahsa Amini.
Ta trata aki di un kaso tristu debí ku tres luna despues di ehekushon di Mahsa Amini tabatin marcha di protesta i esaki a kousa 400 morto i míles di manifestantenan ku a keda detené.