Na Inglatera: Riba un solo dia a registrá 71 kaso di Monkeypox

LONDRES – Sajid Javid minister enkargá ku e kartera di salubridat na Inglatera a konfirmá ku kasonan di Monkeypox ta oumentando di un forma bárbaro na nivel nashonal.
Departamentu di salubridat a konfirmá ku riba un solo dia a registrá un total di 71 kaso di Monkeypox.
Huntu ku Sajid Javid den e rueda di prensa tabatin dòkter Susan Hopkins direktora di servisio públiko Sanitario Britániko.
Dòkter Susan Hopkins a splika ta rekomendá kualkier persona ku a tene relashon seksual ku un hende infektá ku Monkeypox tin ku tene kontakto di inmediato ku nan NHS 111.
Síntomanan di Monkeypox ta kayente di kurpa, dolor di kabes, dolor muskular, dolor di lomba, iritashon di kueru i kalafriu.
Un persona ku keda infektá ku Monkeypox mester keda den isolashon pa por lo ménos 21 dia i pasa tuma un bakuna na kualkier hospital na Inglatera.