Internashonal
Na Inglatera: Empleadonan ku ta traha pa kompania di trein a drenta den wèlga general
LONDRES – Entrante awe e sindikato RMT (National Union of Rail, Maritime and Transport Workers ) a kanta wèlga general pa gobiernu Britániko kuminsá atendé ku nan kondishon di trabou.
Mick Lynch sekretario general ku ta representá mas ku 50.000 trahadó ku ta traha pa e infrastruktura di Network Rail a anunsiá ku e wèlga aki ta serio ya ku e sistema di transporte públiko lo keda paralisá kompletamente.
E wèlga aki lo paralisá ekonomia di Inglatera garantisá ya ku ningun trein lo sali for di kaminda nan ta stashoná.
Diariamente tin mas ku 12 mion persona ta trafiká ku trein pa sea yega trabou, skol i kumpli ku nan obligashonnan.
Lokual ku e sindikato pa e empleadonan aki ta buskando ta oumento salarial i mihó kondishon laboral. Mick Lynch a bisa ku e empleadonan aki ku ta sòru pone ekonomia di Inglatera move miéntras nan salario ta tres aña kaba kongelá i ku a yega momentu pa un oumento.
Pa lokual ta nan kondishonnan laboral tambe mester atendé kuné na mesa di negoshashon sino e wèlga aki lo bai dura largu.