Na Inglatera: Eksploshon na un kompleho di apartamento a laga un saldo di 3 morto i 12 desaparesido

LONDRES – Robin Smith hefe di kuerpo polisial na e lokalidat ku yama St. Helier na isla di Jersey a konfirmá ku djasabra alrededor di 4’or di atardi tabatin un eksploshon enorme na un kompleho di apartamento.
Segun fuentenan ofisial e edifisio ku tabata konsistí di vários kompleho di kual tabatin 12 apartamento.
Na momento ku e eksploshon a tuma luga e edifisio a kolèps den otro ku tur e konsekuensianan.
Kapitan Robin Smith a bisa ku kuerpo di reskate i bomberonan a logra saka 3 kadaver for di restunan di lokual a keda di e edifisio.
Robin Smith a bisa ku ta entre 20 pa 30 persona ku tabata biba den un edifisio banda di esun ku a kolèps a keda evakuá.
Bomberonan a hasi un tremendo trabou di logra kontrolá a kandela pa asina kuerpo di reskate por a kontinuá ku e trabounan di búskeda.
Kapitan Robin Smith a indika ku no ta deskartá ku lo bai tin un investigashon pa wak si tabatin akto di terorismo
ku a kousa e eksploshon aki.