Internashonal
Na Indiana: Outoridatnan a haña outo den riu ku restunan di un tata i su tres yunan
INDIANA – Chris Bailey bosero di kuerpo polisial na Indiana a konfirmá ku for di siman pasa un hòmber a disparsé huntu ku su tres yunan.
Lokual a pasa ta ku e hòmber identifiká komo Kyle Moorman (27) a bisa su kasa ku elo bai piska ku su tres yunan ku yama Kyle Moorman II, 5, Kyannah Holland, 2, i Kyran Holland na un riu na Marion County.
Chris Bailey a bisa ku for di dia 6 di Yuli e hòmber aki a disparsé i ku riba mesun dia nan a kuminsá ku búskeda.
Pero ku ayera lástimamente via sistema nan moderno di GPS a bin lokalisá e outo den e riu ku restunan di Kyle Moorman i su tres yunan.
Chris Bailey a splika ku e kaso lo bai keda investigá pa departamento forensiko di FBI pa wak si ta trata aki di un kaso di suisidio of homisidio.