Internashonal
Na Indiana: Hòmber arma ta mata 3 persona i herida dos den sentro komersial
INDIANA – Jim Jonson hefe di departamento di kuerpo polisial na Indiana a konfirmá ku ayera tardi alrededor di 6’or un hòmber a kana drenta den Greenwood Park Mall i na dado momentu a saka un arma di kandela for di su tas di lomba i kuminsá tira. Konsekuensia di lokual e hòmber aki a hasi ta ku ela tira sinku persona di kual 4 tabata hende muhé i 1 hòmber. Jim Jonson a splika ku pa suerte tabatin un hòmber (22) ku tambe tabata kana den e Mall arma legalmente ku logra tira e agresor aki mata.
Pa kolmo e individuo ku a kometé e krímen den Greenwood Park Mall a kumpra su arma di kandela legalmente i tabatin pèrmit den su vehíkulo.
E parti tristu den e kaso aki ta nifiká ku e problema ku tin na Merka pa lokual ta hendenan loko ta kana drenta den espasionan sera i basha bala riba hende inosente lo sigi normal manera e kaso ku a pasa na Greenwood Park Mall.