Na India: Muhé a korta testíkulo di su frei ku tabata violando su yu muhé

NEW DELHI – Den fin di siman ku a kaba di pasa outoridatnan na e lokalidat di Lakhimpur Kheri mester a atendé ku un kaso kaminda un muhé a kòrta testíkulo di su frei ku tabata violando su yu muhé (14).
Lokual a pasa ta ku un muhé (36) tabata frei un hòmber (32) ku supuestamente a studia pa abogado pero nunka a traha e profeshon aki.
Aparentemente e muhé a sali bai trabou i laga su frei so pa kuida su yu muhé na kas.
Na kaminda pa trabou e muhé a lubidá su telefon selular i a disidí na bai kas bek pa buska esaki.
E sorpresa tabata na momento ku e muhé ta aserkando su kas ku ela tende su yu muhé ta grita e hòmber pa no viol’é.
E muhé a kore drenta su kas i bai dirèkt den kushina pa asina kue un kuchú i pasa mesora drenta kamber i topa su frei riba e yu muhé den akshon.
Esaki a pone ku e muhé pèrdè kabes i kòrta testíkulo di e hòmber pa asina su yu por a skapa i ámbos a kore sali for di e kas.
Bisiñanan a yama ambulans ku pa asina transportá e hòmber pa hospital ku tabata den estado kritiko.
Den e kaso aki polis na Lakhimpur Kheri a interogá e muhé i su yu pa despues laga ámbos den libertat.