Na India: Ekipo di reskatá a logra saka mucha (10) ku a kai den pos na bida

NEW DELHI – For di siman pasa djabièrnè un mucha identifiká komo Rahul (10) ku tabata hunga huntu ku su amigunan den serkania di su kas na Chhattisgarh a kai den un pos.
Mesora amigunan di Rahul a bai notifiká mayornan di lokual a pasa i asina nan yama outoridatnan pa bin yuda.
Na momento ku outoridatnan a yega a nota ku e úniko manera pa saka Rahul na bida ta ku ekiponan pisa.
Mesora a manda buska ekiponan pisa pa traha un túnel pa asina por yega na Rahul ku tabata den e pos ku pa suerte no tabatin awa aden. Durante algu mas ku 100 ora reskatistanan a traha dura pa krea un túnel i finalmente saka Rahul na bida ayera tardi.
Paramedikonan tabata para kla pa transportá Rahul ku Air ambulans helikòpter pa un hospital na Chhattisgarh.
Anusuiya Uikey gobernador na Chhattisgarh a gradisí un total di 150 hende ku a yuda pa logra saka Rahul na bida for di e pos. Chhattisgarh ta un suidat importante na India ku tin un populashon di aproksimadamente 30 mion habitante.