Na India: Djaka a kome mas ku 581 kilo di mariwana ku tabata warda den bodega di sentral di polis

NEW DELHI – Kapitan Guarav Grover bosero di kuerpo polisial na Mathura a konfirmá ku gran kantidat di djaka hambriento a kome mas ku 581 kilo di mariwana ku nan tabatin warda na un bodega di warda di polis.
Den e bodega ku polis ta warda droga konfiská tabatin mas ku 2.000 kilo di mariwana, 200 kilo di kokaina i 400 kilo di opium.
Kapitan Guarav Grover a splika ku e droga aki tabata pa keda kima fin di e luna aki pero na momentu ku a yega pa hasi inventario a nota ku e bultonan tabat’ei pero bashí.
Mesora a kuminsá ku e proseso pa kuminsá kima e kantidat grandi di droga.
Den e bodega tin kamara instalá i naturalmente tin agentenan asigná ku tin yabi pa drenta i sali bou di supervishon.
Kapitan Guarav Grover a splika ku na momentu ku a ordená un investigashon a kuminsá na analisá e videonan den e bodega promé i aki a bin diskubrí ku ta djaka grandi manera pushi i hambriento a kome mas ku 581 kilo di mariwana. E balor di e kantidat di droga ku djaka a kome ta aproksimadamente $470.000.