Internashonal
Na India: 28 persona a muri i 60 a bira malu pa bebe alkohòl venená
NEW DELHI – Ashish Gupta hefe di kuerpo polisial na Gujarat a konfirmá ku for di komienso di e siman aki tabatin un tragedia registrá debí ku un grupo malbado
a produsí un tipo di alkohòl venená ku a keda bende na preis redusí na distrito Ahmedabad i Botad ku ta keda na estado Gujarat.
Konsekuensia di lokual e kriminalnan aki a hasi ta ku e kriminalnan a meskla un tipo di produkto kímiko den e alkohòl i ku a kousa morto na 28 persona i a manda 60 persona hospital.
Ashish Gupta a splika ku nan a detené vários di e kontrabandistanan pa nan envolvimentu den distribushon di e bebida alkohóliko venená aki.
Kontrabanda di alkohòl ta un negoshi bastante lukrativo na India ya ku nan no ta paga belasting i pa kolmo tin hopi adikto.
Ashish Gupta a splika ku e biaha aki e kontrabandistanan ta den problema hopi serio ya ku nan ta responsabel pa 28 persona morto i 60 ku ta den estado kritiko den hospital.