Na Guatemala: Sikarionan a asesiná seis persona den un outo stashoná dilanti un santana

TEGUCIGALPA – Carlos Hernández bosero di kuerpo polisial na Guatemala a konfirmá ku sikarionan a basha bala riba un outo ku tabatin seis persona abordo.
Tin indikashon ku e seis hendenan aki a kaba di sali entiero i tabata den outo ku tabata stashoná dilanti e santana ku yama La Verbena. Aparentemente un grupo di sikario a nota ku e hendenan a kaba di drenta e outo i dos hòmber arma a pasa riba un motersaikel i basha bala riba nan.
Konsekuensia di lokual a pasa aki ta ku tur hende den e vehíkulo a keda alkansá pa tiru di bala.
Na momento ku polis i ambulans a yega a bin konstatá ku dos hende tabata morto i kuater tabata den estado kritiko.
Mesora a transportá tur e víktimanan pa hospital Roosevelt kaminda delaster un di e víktimanan a fayesé. Carlos Hernández a bisa ku lokual ta tristu den e kaso aki ta ku tabatin dos menor di edat di 5 i 7 aña di edat.